ހުޅުމާލޭ ބާ އިންޖީނުގޭގައި ހިނގި އަލިފާނުގެ ހާދިސާގައި ފިހުނު ސްޓެލްކޯގެ މުވައްޒަފު ތައިލެންޑުގައި ފަރުވާދެނިކޮށް މިއަދު ނިޔާވެއްޖެ އެވެ.
ސްވިޗް ގިއާއަކަށް ދިމާވި މައްސަލައެއް ހައްލު ކުރުމުގެ މަސައްކަތް ކުރަނިކޮށް، އެ ކުންފުނީގެ ސުޕަވައިޒަރެއްގެ ގޮތުގައި މަސައްކަތް ކުރާ އުމުރުން 43 އަހަރުގެ އަހުމަދު އަޒްމީލުގެ ހަށިގަނޑުގެ އެކި ތަންތަން ފިހި، ސީރިއަސް އަނިޔާތަކެއް ލިބުނީ 26 ނޮވެންބަރު 2025 ގައެވެ.
އޭނާ ފަރުވާއަށް ފުރަތަމަ ގެންދިޔައީ ހުޅުމާލޭ ހޮސްޕިޓަލަށެވެ. އޭގެ ފަހުން އިތުރު ފަރުވާ ދިނުމަށް އޭޑީކޭ ހޮސްޕިޓަލަށް ބަދަލުކުރި އެވެ. އަޒްމީލް އިތުރު ފަރުވާ އަށް ތައިލެންޑަށް ގެންދިޔައީ މިދިޔަ ނޮވެމްބަރު 30 ވަނަ ދުވަހުގެ ރޭގަ އެވެ. އޭނާގެ ފަރުވާގެ ހުރިހާ ކަމެއް ބެލެހެއްޓީ ސްޓެލްކޯ އިންނެވެ.
މައުލޫމާތު ލިބިފައިވާ ގޮތުގައި އަޒްމީލު ނިޔާވީ މިއަދު އެވެ.
0 Comments
Faathumathu Jesika
ديسمبر 11, 2025Mihaa dhuvas vegen dhiya iruves ihumaal va miha stelco in foruvaagen gen gulheni 11000 kv ge Carant huri bus baa eh saafu kuran bayaku vehdhun ves aey bodhu ihumaaleh